श्यामकुमार राना रानाथारु कलाकार मञ्चके अध्यक्षमे चयन

हिरगर समाचारदाता
धनगढी, २३ बैशाख । 

रानाथारु कलाकार मञ्चके अध्यक्षमे श्यामकुमार राना चयन हुइल बटै । शनिच्चरके रोज कैलालीके धनगढी उपमहानगरपालिका वडा नं ७ स्थित नवज्योति सहकारीके सभा हलमे हुुइल रानाथारु कलाकार मञ्चके दुसरा अधिवेशनसे लौवा कार्यसमिति चयन कैगिल रहे ।

मञ्चके उपाध्यक्षमे दशरथ राना, सचिवमे राम प्रसाद राना, कोषाध्यक्षमे सरस्वती राना रहल बटै । ओस्टेक सदस्यमे नरेश राना, पार्वती राना, फुला राना, शिवराज राना, ओम प्रकाश राना, अमर सिंह राना, महामती राना रहल बटै ।

उहीसे आघे कृष्णपुर नगरपालिका नगर उप–प्रमुख द्रोपती रानाके वडका पहुनामे हुइल कार्यक्रममे विशिष्ट पहुना नारायण राना, नेपाल रानाथारु समाज कैलाली जिल्ला अध्यक्ष लालबहादुर राना, धनगढी–७ के पुर्व वडा अध्यक्ष तथा नवज्योति सहकारीके अध्यक्ष सिताराम राना रहल रहिट ।

ओस्टेक करके कार्यक्रममे भानु प्रताप राना, रानाथारुके खलनायक खडक बहादुर राना, गायक रामदेव राना, नेपाल रानाथारु समाज कैलालीके उपाध्यक्ष पृथ्वी राना, कलाकारके उपस्थिति रहे । रानाथारु कलाकार मञ्चके उपाध्यक्ष दशरथ रानाके अध्यक्षतामे कार्यक्रम सम्पन्न हुइल रहे ।