हिरगर साहित्यिक बगालसे थारु साहित्यिक विषयक अन्तरक्रिया

धनगढी, ११ सावन । 

थारु भाषा, साहित्य ओ संस्कृति संरक्षण तथा प्रवद्र्धनके लाग क्रियाशील संस्था हिरगर साहित्यिक बगालसे धनगढीमे थारु साहित्यिक अन्तरक्रिया कार्यक्रम भाग ९२ औं आयोजना करले बा ।

धनगढी स्थित थारु छात्रवासमे हुइल कार्यक्रमे थारु भाषामे कविता वाचन, कथा, मुक्तक, लोकगीत, परम्परागत नाचगान लगायत विविध साहित्यिक प्रस्तुति रहल रहे । साथे थारु साहित्यके समकालिन अवस्था, चुनौती ओ सम्भावनाबारे विद्वान, लेखक, संस्कृतिकर्मी तथा युवा सर्जकबीच विचार–विमर्श करल रहे ।

२०७१ सालमे जिल्ला प्रशासन कार्यालय, कैलालीमे दर्ता २०२० होके स्थापना हुइल हिरगर साहित्यिक बगालसे विगतसे निरन्तर रूपमे थारु भाषा ओ मौलिक सांस्कृतिक पहिचानके पक्षमे टमान साहित्यिक कार्यक्रम कैटी आइल बा ।

संस्थाके अध्यक्ष हिरालाल चौधरीके अध्यक्षतामे हुइल कार्यक्रमके सञ्चालन सचिव सागर कुश्मी करल रहिट ।

कार्यक्रममे साहित्यप्रेमी, भाषा–संस्कृतिके अध्येता, पत्रकार, लेखक, विद्यार्थी लगायतके उपस्थिति रहल रहे ।