जानकीमे अस्टिम्की चित्रकला कार्यशाला सुरु

हिरगर संवाददाता ।
टीकापुर, २९ सावन ।

कैलालीके जानकी गाउँपालिकामे थारू अस्टिम्की लोकचित्र कार्यशाला सुरु हुइल बा ।

जानकी गाउँपालिकाहे थारु लोककलाके हब बनैना उद्देश्यसे अस्टिम्की टिहुवारके अवसरमे उ कार्यशाला सुरु हुइल हो । गाउँपालिका अध्यक्ष गणेश चौधरीके अध्यक्षतामे हुइल कार्यशाला उद्घाटन कार्यक्रममे उपाध्यक्ष लालमति कठरिया, वडा अध्यक्ष कमल महतो, सुरेश कुमार चौधरी, नेपाल ललितकला प्रज्ञा प्रतिष्ठानके प्रमुख प्रदीप अधिकारी, प्रशिक्षक मित्थु थारु, प्रशासन प्रमुख सन्तराम कठरिया, नेत्रप्रसाद जैशी लगायतके उपस्थिति हुइल रहे ।

जानकी गाउँपालिका ओ नेपाल ललितकला प्रज्ञा प्रतिष्ठानके आयोजनामे २ दिन सम संचालन हुइना बा ।